SK Productions News Center

اعتذار من Ubisoft عن مشاكل Assassin’s Creed Unity بتقديم اضافات بشكل مجاني

Yannis Mallat مدير Ubisoft Montreal في رسالة اتنشرت علي المدونة الرسمية في الشركة قدم اعتذاره بشكل رسمي عن المشاكل اللي حصلت مع نزول لعبة Assassin’s Creed Unity و اكد علي اعترافه بأن المشاكل دي اثرت بشكل سلبي علي متعة اللعبة.

و اعتذار الشركة جه معاه قرار ان الاضافة اللي جاية اللعبة و هي Dead Kings هتبقي متاحة بشكل مجاني لما يتم اصدارها , و القرار جه معاه وقف بيع الـSeason Pass الخاص باللعبة و الـGold Edition و اي حد اشتراهم هياخد بشكل مجاني لعبة من العاب الشركة زي Far Cry 4, The Crew, Watch Dogs, Assassin’s Creed Black Flag, Rayman Legends او Just Dance.

في وجهه نظري الشخصية خطوة كويسة جدا من جانب الشركة خصوصا للناس اللي دفعت فلوس في اللعبة بالـseasons pass يعني هتاخد مقابل حاجة زي كده لعبة تمنها 60 دولار مثلا بنص التمن, بس شخصيا اتمني اللي حصل مع اللعبة يعلم الشركة درس في ضرورة  تجنب المشاكل دي في المستقبل و انهم يخلو اللعب تاخد وقت اطول في التطوير.