كان في مصدر من ساعات اعلن إن Michel Ancel ساب Ubisoft و مش شغال على تطوير Beyond Good and Evil 2. ولكن متحدث من Ubisoft نفى كلام ده تماما.
Tony Key, وهو نائب رئيس المبيعات والتسويق في Ubisoft كان أكد إن Michel Ancel مش شغال على تطوير Beyond Good and Evil 2 حاليا.
في مقابلة مع IGN -اللي تم حذفها- Key قال إن Ancel مش شغال على الجزء التاني من اللعبة وقال التالي
هو راجل مشغول جدا حاليا هو عنده كذا حاجة تانية و أنا عارف إن هو مشغول جدا, بس احنا لسة شغالين معاه على كذا حاجة.
Beyond Good and Evil 2 كان تم تأكيدها السنة اللي فاتت لأجهزة الجيل الجديد, ولكن من وقتها و Ancel كان أصلا فاتح الستوديو الخاص بيه و شغال على لعبة اسمها WiLD, ولكن كان لسة في Ubisoft.
ولكن بعد كده تم نفي كل الكلام ده من واحد من ممثلي Ubisoft وقال إن Ancel لسة معاهم وشغال على “كذا” مشروع في الشركة, ولكن المتحدث الرسمي الخاص بـUbisoft مقالش إيه هي المشاريع ديه وهل Beyond Good and Evil منهم ولا لأ.
