أخبار و مراجعات ألعاب الفيديو

Ubisoft تفسر ليه اللعب الـDigital غالية

SHARE
, / 219

اللعب الرقمية *digital* بتبقى بنفس سعر اللعب الـPhsyical أول ما اللعبة بتنزل, وعمر ماسعرهم بينزل. Ubisoft بتحاول تقدم تفسير لكده.

اللعب الـDigital في معظم الوقت اسعارها ثابته. لما اللعبة بتنزل سعرها بيبقى سعر اللعبة في المحلات. طبعا هم ليهم المزايا الخاصة بيهم ولكن دايما بيبقوا خسارة على الواحد لو عملت مقارنة بينهم وبين الـPhysical لانهم مثلا مينفعش تبيع لعبة بعد ما تشتريها وتخلصها وتبقى خلاص مش عايز من اللعبة ديه حاجة, و العيب الاكبر إن دايما سعرهم بعد ما اللعبة بتنزل بفترة كبيرة بيبقى أغلى من الـPhysical, ساعات بيبقى في لعب اسعارها على PSN و Xbox Live ضعف أي محل أو Amazon على سبيل المثال.

خلال حديث Yves Guillemot رئيس Ubisoft التنفيذي مع المستثمرين, اتكلم عن الموضوع ده وقال

اللعب الDigital تفاعلية أكتر من اللعب الـPhysical اللي موجودة في المحلات, ولكن في نفس الوقت اللعب ديه على Consoles مش بتتفاعل مع السوق بنفس سرعة تفاعلها على PC.

اللي ممكن اقوله إن لما اللعبة بيعدي عليها سنة, Digital بيبقى فعال أكتر لأن العدد اللي في محلات قل وممكن يبقى خلص. ديه تجارة جديدة, اتجاه جديد تماما, واحنا بنعتقد إن كل ده هيتظبط مع الوقت ولكن اكيد, في الوقت الحالي احنا بنشوف اسعار كتير ومتعددة وده بيعتمد على مين بيعمل العروض الأسبوع ده زي مثلا Steam Summer Sale أو Xbox Ultimate Game Sale أو PlayStation Critics’ Choice Sale.

Guillemot قال مثال صريح عن PC وإزاي السوق هناك مكافح أكتر من اجل تخفيض الأسعار بعد ما اللعبة بتنزل بفترة وقال إن احنا هنصبر شوية عشان يحصل حاجة زي كده على Consoles.