اعلنت Ubisoft إن Ubisoft Quebec, هو ستوديو في كندا وهو يعتبر زي أخ ستوديو Ubisoft Montreal, هيشتغل على تطوير الاجزاء القادمة من Assassin’s Creed.
Ubisoft Montreal كان شغال على معظم اجزاء Assassin’s Creed لحد دلوقتي, و كان طبعا بمساعدة من شبكة المطورين الدولية الخاصة بـUbisoft. ولكن بعد استثمار 28 مليون دولار في Ubisoft Quebec, في منهم 4 مليون دولار لمكان عمل جديد معمول مخصوص عشان تطوير Triple-A Games,فيعتبر كده الستوديو جاهز لتطوير اللعبة ويستعرضوا هم قادرين يعملوا إيه في السلسلة ديه.
Nicolas Rioux مدير Ubisoft Quebec قال انهم عندهم الثقة في الفريق وإن الفريق جاهز للخطوة الكبيرة القادمة.
Ubisoft Quebec عارفين شغلهم في السلسلة ديه كويس طبعا, لانهم ساعدوا في كذا Assassin’s Creed قبل كده زي Brotherhood و اضافة The Tyranny of King Washington و اضافة Freedom Cry. الخطوة القادمة هي انهم يشتغلوا على اللعبة كاملة. الستوديو فيه 350 واحد شغال منهم ناس شغالة على المشروع الجديد الخاص بـAssassin’s Creed. الستوديو ناوي انه يوصل لـ425 عامل على 2017 كده.
وطبعا إن فيه كذا ستوديو بيساعد في تطوير Assassin’s Creed بشكل سنوي (10 ستوديوهات حاليا شغالة على Unity) فـمن العادي إن ستوديو تاني هو يبقى المطور الرئيسي في اللعبة, زي Activision عندها لفة على 3 ستوديوهات في Call of Duty. الله اعلم بقى هم هيعملوا إيه في Assassin’s Creed, ولكن الكلام ده بيأكد إن Assassin’s Creed هتفضل معانا شوية كمان.
وعن السنة دي Assassin’s Creed Unity هتنزل على PC, PS4 و Xbox One في 28 أكتوبر اللي جي.
