لكم ان تتخيلوا ان اجزاء Assassins Creed اللي نزلت زي Unity و اللي هتنزل سواء بقي Victory و اللي بعدها تم التلميح بتفاصيلهم من 2013 من خلال كتاب دليل رسمي من Ubisoft خاص بالجزء الرابع.
الكتاب كان فيه اعمال فنية تخص الجزء الرابع بما فيها صورة بتوضح زي قاعة ضخمة خاصة بشركة Abstergo اللي المفروض في احداث اللعبة بتنتج منتجات ترفيهية قايمة علي زيارة اماكن تاريخية , في الصورة بيظهر بعض الاماكن اللي شفناها في الاجزاء اللي فاتت زي فلورانس في ايطاليا و جزر الكاريبي الخاصة بالجزء الرابع و ساعة Big Ben في لندن اللي طبعا عرفنا انها الدولة اللي هتكون فيها احداث الجزء اللي جي .
الاهم من كده ان في تلميح ان الجزء الخاص بـ2016 هيكون في اليابان لان في الصورة ظهر معبد Sensoji في اليابان.
