Yves Guillemot مدير شركة Ubisoft قال امبارح من خلال موقع Gamasutra في تقرير الأرباح السنوي , إن الشركة مصممة جدا انها تطور العاب على تقنية Virtual Reality وبتخطط إن هي تنقل أكبر عنوانها لي الواقع الإفتراضي قريب.
Guillemot قال:
اولا احنا مؤمنين جدا في الواقع الإفتراضي, لإن احنا شايفين إنه بيدي فرصة للاعبين يعيشوا في عالم الألعاب و اللي احنا بنعمله دلوقتي هو إن احنا شغالين على عدد من اللعب المختلفة عشان نشوف إيه منهم ممكن نستخدمه في الفرصة الجديدة اللي بيوفرها VR وبنراعي في نفس الوقت الصعوبات اللي ممكن تكون موجودة مع طريقة اللعب ده على سبيل المثال صعوبة اللعب لفترات طويلة.
وكمان علق على امتى اللعب ده هتظهر وإنها احتمال تنزل في السنة اللي بعد نزول Oculus Rift و Steam VR وبعد كده ينزلوها بشكل منتظم
كلام Guillemot مختلف تماما عن كلام Hilmar Velgar Petursson رئيس CCP Games واللي شايف إن VR مش هينتشر لوقت طويل وبالتحديد في أول سنة هنشوف مين فيهم اللي كان عنده حق اللي نقدر نفهمه دلوقتي إن في شركات اخده موضوع VR بجد وناويين يشتغلواعليه.
