خدمة YouTube Gaming تم الاعلان عنها كخدمة جديدة من Google لمنافسة مواقع البث المباشر و اهمهم Twitch.
الموقع المفروض هيشتغل في خلال الصيف دا و معاه مميزات كتيرة جدا تخص البث المباشر للالعاب و بالاضافة عرض الفيديوهات اللي تخص الالعاب فقط علي youtube.
مميزات الخدمة بتبدأ من تسهيل البحث عن اي محتوي يخص اي لعبة انت بتحددها عشان متكتبش مثلا Call of Duty يطلعلك في نتايج البحث اغنية Call Me Maybe مثلا و البث هيكون مدعوم باختيارات كتير اهمها امكانية البث بـ60FPS.
و الشركة اكدت ان عوائد الربح الناتجة عن الاعلانات اللي موجودة علي Youtube هتكون موجودة في YouTube Gaming, اي شخص ممكن يكون ليه عائد مادي من الاعلانات اللي شغالة قبل بداية اي بث او علي جوانب شاشة عرض البث نفسه و هيكون في برضو امكانية لجمع تبرعات من المتابعين
الخدمة هتبدأ في خلال الصيف دا في الولايات المتحدة و انجلترا بدون تحديد يوم محدد لبدايتها.
