E3 2015 هتبقى من 16 يونيو القادم لحد 18 يونيو. يعني طلاب ثانوية عامة الأعزاء اللي أنا منهم هتفوت علينا يا شباب, طب إيه الحل السريع ليلة امتحان “اللغة الاجنبية الثانية” الحل إن احنا كلنا نشوف المواعيد بتاعت العروض و نتابع الـSite واحنا بنحفظ كام موضوع على كام موقف.
E3 2015 هتبقى أول E3 تشهد مؤتمر صحفي خاص بـPC Gaming وهوا PC Gaming Show, اللي هتقدمه AMD بالتعاون مع PC Gamer.
نتجه إلى المواعيد:
Bethesda – الخامس عشر من يونيو الساعة 4 الفجر
توقعاتنا الشخصية هي إن احنا بنسبة كبيرة هنشوف Dishonored 2 و ممكن Prey 2.
المؤكد إن احنا هنشوف Doom و BattleCry.
الغير مؤكد نهائيا و لكن في اشاعات إنها هيبقى ليها حضور في E3 هي Fallout 4!!
Microsoft – الخامس عشر من يونيو, التوقيت بالظبط لم يتم الكشف عنه ولكن هيبقى زي كل سنة على الساعة 6 المغرب أو 7
تركيز Microsoft كله في الحدث ده هيبقى على Xbox One, وحسب Phil Spencer فـ هيبقى في أكتر من 3 حصريات غير معلن عنهم هيتم الكشف عنهم.
من المحتمل إن Microsoft تعرض Windows 10 وهو شغال على Xbox One و يتكلموا شوية عن PC Gaming ومستقبل الـPC Gaming على Windows 10.
اللعبة اللي اكيد هنشوفها هي Halo 5 والكشف عن تفاصيل أكتر عن القصة و بنسبة كبيرة هيتم الكشف عن النسخ الـLimited Edition و Collector Edition, و Limited Edition Xbox One.
برضه من اللعب اللي اكيد هيتم عرضها هي Fable Legends و احتمالية الكشف عن موعد اصدار.
Rise of The Tomb Raider وديه اكيد هيتم عرضها في E3 وهنشوف Gameplay و ممكن موعد الاصدار.
Crackdown كان برضه تم الكشف السنة اللي فاتت عنها عن طريق عرض CGI و لكن مكنش في أي تفاصيل غير كده.
لعب ممكن نشوفها ولكن مش بنسبة كبيرة
Scalebound اللي كان تم الكشف عنها السنة اللي فاتت في E3,اللعبة من تطوير ستوديو Platinum Games حصريا على Xbox One.
Phantom Dust المشروع ده عليه جدل كبير حاليا و مفروض انه اتلغى ولكن في احتمالية إن Microsoft تكون اشتغلت مع فريق تطوير تاني عشان يطوروا اللعبة ديه
Gears of War Black Tusk واحدة من أكتر اللعب اللي أنا شخصيا متحمس ليها و منتظر جدا ليها, اللعبة ستوديو Black Tusk شغال عليها حاليا و لكن مفيش أي معلومات عنها.
Gears of War Remastered صراحة الواحد فعلا زهق من كتر الـRemasters, و كان في نفي متواصل من ستوديو Black Tusk و Microsoft إن هيبقى في Remaster لـGears لحد من فترة ظهر Alpha للعبة وكان في ناس بتخبتروا *ممكن تشوفوا تفاصيل أكتر من هنا* فـ بكدة احتمالية إن احنا نشوف Remaster ده عالية جدا ولكن هل هيكون للجزء الاول بس و ده يبقى اسمه استعباط ولا كل اجزاء السلسلة معادة Judgement.
اضعف حاجة متوقعة هو Xbox One Slim نسخة جديدة ومحسنة وارفع من الـXbox One.
Electronic Arts – الخامس عشر من يونيو الساعة 9 مساء
مؤتمر EA نصه كالعادة هيبقى عن Sport Games بتاعت الستوديو ونص تاني هيبقى اللعب غير رياضية.
الألعاب اللي بنسبة كبيرة هنشوفها هي Mirror’s Edge 2 و Mass Effect 4 و Star Wars: Battlefront. *قلة أدب*
اللعبة اللي أنا نفسي أشوفها و صعب جدا نسمع عنها حاجة سنة ديه عشان كل تركيز EA هيبقى على Star Wars: Battlefront, هي Star Wars 1313 اللي ستوديو Visceral شغال عليها. في إشاعة بتقول إن الجزء اللي Visceral شغالة عليها هو كمالة على المشروع الملغي الخاص بـLucasArts Games, مش اعادة تطوير شاملة من الأول.
و ممكن Titanfall 2 وحاجة عن الجزء القادم من Battlefield.
Ubisoft – الخامس عشر من يونيو الساعة 11 بالليل أو 12 بالليل
Assassin’s Creed: Victory أو Syndicate مهما كان اسمها فـ اكيد هنشوف الجزء القادم من Assassin’s Creed و The Division و احتمال كبير يبقى موعد اصدار لـThe Division و موعد للـBeta.
الجزء القادم من Watch Dogs؟ ممكن.
Sony – السادس عشر من يونيو الساعة 2 أو 3 الفجر
Sony وحصريات Sony.
من حصريات اللي بنسبة كبيرة هنشوفها هي Horizon اللعبة اللي شغال عليها Guerrilla Games و مشاع عنها لفترة كبيرة جدا
Uncharted 4 طبعا و ممكن نشوف موعد اصدار.
God of War 4.
Ratchet & Clank
توقع ضعيف جدا ولكن محتمل و Sony لمحت لي كذا مرة و هي واحدة من أعظم العاب طفولتنا Crash Bandicot جديدة.
وده بالاضافة إلى حصريات غير معلن عنها.
Nintendo – السادس عشر من يونيو الموعد لسة مش محدد بالظبط
السنة اللي فاتت أنا قولت و لسة على قولي مؤتمر Nintendo كان الأقوى و قدموا حصريات قوية جدا, وفعلا Nintendo تحترم على انهم شايلين Console بحاله على كتفهم و بيقدموا لعب عظيمة.
The Legend of Zelda اكيد هيتم عرضها هي و Splatoon.
موعد اصدار Xenoblade Chronicles X للسوق الأوروبي و الامريكي.
STARFOX!!! و احتمال يبقى في Pokémon جديدة.
Nintendo 3DS NFC Reader.
شخصيات جديدة لـSuper Smash Bros.
Pokkén!! من فترة Nintendo لمحت عن إن Pokkén ممكن يبقى ليها وجود وتنزل على Wii U, هل بقى هنشوفها في E3؟؟ ياريت.
عرض جديد لـFatal Frame V وتفاصيل أكتر عن النسخة الـLocalized من اللعبة
والاهم هو هل Nintendo هتكشف عن NX؟ توقعي الشخصي إن آه بنسبة كبيرة وإن NX ده هيبقى Console جديد من Nintendo ولكن هيبقى Power Horse و هيبقى اسهل للـمطورين ودة عشان يتم جذب ستوديوهات تانية إنها تشتغل على Wii NX.
Square Enix – السادس عشر من يونيو الساعة 6 المغرب
اكيد هنشوف Deus Ex: Mankind Divided, ولكن هل هيبقى عرض Gameplay؟ و هل ممكن يبقى في موعد اصدار؟
اكيد برضه هيتم عرض Just Cause 3 و HITMAN!
جزء جديد لـSleeping Dogs؟
Remasters كالعادة من Square Enix.
للأسف مش هيبقى في أي عرض لـFinal Fantasy XV, ولكن الأخبار الكويسية إن احنا هنشوف اللعبة بنسبة كبيرة في Gamescom و ممكن ساعتها يبقى في موعد اصدار.
Star Ocean 5 اكيد هتبقى موجودة.
Kingdom Hearts 3!!! أيوه!! اللعبة بنسبة كبيرة هتبقى موجودة, فكرة إن مكنش في جزء جديد من Kingdom Hearts هو أن الفريق اللي شغال على تطوير اللعبة كان معظمه شغال على Final Fantasy Versus XIII اللي هي حاليا Final Fantasy XV, وديه قربت تخلص. السنة اللي فاتت Square Enix لمحت كذا مرة وكان في عرض عبارة عن اعلان عن اللعبة في 2013, هل بقى اخيرا هنشوف عرض لواحدة من اجمل اللعب اللي كنا بنلعبها واحنا صغيرين على PS2.
للاسف في حاجة واحدة ممكن تقلل نسبة ظهور اللعبة في E3, هو إن Square Enix منتظرة حدث D23 في اليابان D23 هو احتفال ضخم جدا بكل حاجة ليها علاقة بـDisney في اليابان فـ ده برضه مكان ممتاز للكشف عن اللعبة فيه ولكن العيب الوحيد إن الحدث ده لسة في نوفمبر. لو اللعبة هيتم عرضها في E3, فـ توقعوا إن العرض هيبقى بالانجليزي مش ياباني, لأن في بعض ممثلي الصوت أكدوا إن شغلهم معظموا خلص.
من الممكن يبقى في Spin-off تاني لـKingdom Hearts على Mobile Phones و ده حسب تلميحات من Tetsuya Nomura مخرج اللعبة. واحتمالية كبيرة إن يبقى في Remaster لـKingdom Hearts 1.5 و 2.5 للـPS4. في ناس هتقول إزاي ده ممكن يحصل إذا كان أصلا كان في Remaster للـPS3 هيبقى فيه للـPS3, احب اقوله إن Square Enix عملت كده مع Final Fantasy X و X-2 نزلت Remaster للـPS3 وبعد كده Remaster للـPS4 اللي هينزل في 12 مايو القادم.
PC Gaming Show – السادس عشر من يونيو
أول مؤتمر صحفي في E3 خاص بـPC Gaming, المؤتمر هيبقى في Cliff Bleszinski *Cliffy B* واكيد هنشوف Bluestreak اللي هو شغال عليها.
Dean Hall مطور DayZ.
وهيبقى في ممثلين من Blizzard, Cloud Imperium, Devolver Digital, Paradox, Square Enix, Tripwire Interactive, والمزيد.
