Nvidia اعلنت اخيرا عن الكروت اللي هتستخدم معمارية Pascal و اللي بدأت عرضها بأستعراض الـGTX 1080 اللي هيكون كرت قوي جدا بشكل غير متوقع بتفوقه في الاداء بنسبة تقرب من الـ20% عن الـGTX Titan X و كرتين 980ti متجمعين بتقنية SLI.
حسب تعليق Jen-Hsun Huang مدير Nvidia ان تكلفة تطوير التقنيات اللي بتشتغل بيها الكروت دي تقدر بمليارات الدولارات علي مدار السنتين اللي فاتو و سرعة الكرت تفوقت في اختبار اداء مع لعبة Rise of the Tomb Raider لما كان المعالج شغال بسرعة 2.1 GHz و الذاكرة بسرعة 5.5 GHz بشكل يخلي الكرت اسرع كرت علي وش الارض فعليا بدرجة حرارة ثابتة علي 67 درجة مئوية في حين حاجة كروت الجيل السابق لانها تشتغل بالسرعة و بدرجة الحرارة دي لتبريد بالنيتروجين السائل!!
2114MHz GPU clock. On air cooling. 67 degrees. The power and efficiency of the Pascal architecture. #GameReady pic.twitter.com/geRiyGw42M
— NVIDIA GeForce (@NVIDIAGeForce) May 7, 2016
الكروت الجديدة هتعدم تقنيات زي simultaneous multi-projection لتوفير عرض صورة بجودة افضل و اعلي علي اكتر من شاشة و تحسين جودة عرض الـVR برضو و خاصية ANSEL و من خلال دعمها في الالعاب هيتم اتاحة الفرصة لتقديم اساليب متطورة لالتقاط الصور و VRWorks Audio لتحسين عرض الصوت مع استخدام الـVR.
اولا كرت GTX1080 هتقدم بسرعة 9 teraflops بذاكرة GDDR5X حجمها 8 جيجابايت و بسعر 600 دولار و هينزل يوم 27 مايو اللي جياما الـGTX1070 هيكون سرعته 6.5 teraflops لكن الذاكرة نفسها GDDR5 عادية حجمها 8 جيجابايت برضو و بسعر 380$ و هينزل يوم 10 يونيو.
