Tim Sweeney مدير ستيديو EPIC Games المسؤول عن تطوير العاب زي Gears of War سابقا و Unreal, هاجم من خلال مقالة كتبها بنفسه علي موقع The Guardian السياسات الخاصة بـMicrosoft لدعم الـPC من خلال الـUniversal Windows Platform.
Tim Sweeney دعا من خلال مقالته بضرورة الوقوف ضد النظام اللي بتحاول Microsoft و اللي هيكوم نظام مغلق تحت سيطرتها و هيمنع حرية المستخدم من استخدام اي تطبيقات و هيمنع المطورين من التواصل بشكل مباشر مع المستخدمين.
هو شخصيا اكد انه مش ضد ان Microsoft يكون ليها متجر خاص بيها لكن هو ضد هيمنة الشركة علي المتجر بشكل كامل لخدمة مصالحها الشخصية بدون اتاحة الفرصة لاي طرف غيرها من الاستفادة منه و لابد انهم يتيحو الفرصة لشركات تانية زي Valve من خلال Steam و GOG و غيرهم انهم يديرو متاجرهم بحرية بدون اي اعاقة او الحصول علي نسب مادية من الارباح ممكن توصل لـ30%.
و اكد ان Microsoft لو مسمحتش بفتح الـUWP او الـUniversal Windows Platform دا هيؤدي لهجوم من سوق العمل عاجلا ام اجلا هينهي مخطط الشركة.
طبعا الهجوم القاسي من Tim قابله في الاخر رد مدير قسم Xbox في Microsoft و هو Phil Spencer و قال ان نظام UWP هيكون مفتوح بالكامل لاي مطور و نفي تماما اي نية لانه يبقي نظام مغلق و من الممكن يتم دعمه من اي متجر غير Windows Store و هيتم مناقشة الموضوع في خلال اخر الشهر الحالي.
Windows has always been an open ecosystem welcoming the contributions of hardware and software partners, and will always continue to be.
— Phil Spencer (@XboxP3) March 4, 2016
UWP is a fully open ecosystem, available to every developer, and can be supported by any store. Broad range of tools https://t.co/LqPcjRFzu9
— Phil Spencer (@XboxP3) March 4, 2016
We will discuss our next steps with the Universal Windows Platform at //build later this month.
— Phil Spencer (@XboxP3) March 4, 2016
و دا برضو كان نفس رد Kevin Gallo نائب مدير Microsoft اللي اكد ان النظام مفتوح للكل و مدعوم من اي متجر.