في خبر مفاجئ و بدون اي مقدمات Microsoft اعلنت عن وقف تطوير لعبة Fable Legends اللي مؤخرا كان ليها بيتا مغلقة مع مناقشات في الوقت الحالي لوقف اعمال ستيديو Lion Head تماما اللي يعتبر مسؤول بشكل كامل عن سلسلة Fable بالاضافة لستيديو Press Play المسؤول عن تطوير لعبة Max: The Curse of Brotherhood.
و Hanno Lemke مدير ستيديوهات Microsoft في اوروبا قال ان للاسف اضطروا لوقف اعمال ستديوهات في اوروبا سواء في انجلترا او الدنمارك و كان اهمها لعبة Fable Legends من تطوير Lion Head و القرار كان غاية في الصعوبة لكن هما بيوعدوا بعدم وجود اي تأثير علي اداء و مشاريع ستيديوهات تانية تابعة لـMicrosoft في اوروبا زي Remedy Games او Rare او Moon Studios.
Fable Legends كان تم الاعلان عنها في 2013 و كان من المفترض تنزل في 2015 و تم تأجيلها مع وعد ببيتا مفتوحة في خلال السنة الحالية. اللعبة كانت تعتبر مجانية و معلن عنها للـXbox One و Windows 10.
