SK Productions News Center

اشاعة : Forza Motorsport 6 وForza Horizon 3 هيكونوا متوفرين برضو للـPC

بعد التأكيد علي نزول لعبة Quantum Break علي الـPC في خلال الفترة الاخيرة و ظهور تقارير بتفيد باحتمالية اصدار العاب تانية زي Gears of War 4 و Scalebound برضو علي الـPC ظهرت معلومات جديدة علي موقع WPDang بتفيد ان Microsoft عندها النية لتقوية دعمها للـWindows 10 باصدار العاب علي نظام التشغيل منها العاب سباق السيارات اللي انتجتها الشركة زي Forza Motorsport 6 وForza Horizon 3.

للحظة دي معظم الالعاب اللي هتصدرها Microsoft للـPC او Windows 10 زي ما بيقولوا من تطوير ستيديوهات غير خاضعة لملكية Microsoft زي Remedy Games لكن من خلال الجيل السابق و الحالي مصدرتش العاب من انتاج الشركة للـPC سواء Halo او Gears of War او Forza.