قامت Game Informer استراليا بطرح سؤال علي Phil Spencer رئيس XBOX , عن اذا كان الـScorpio هيقوم بتحقيق طفرة ولا لا فاجاب Phil :
نعم هتتحقق طفرة كبيرة فانا مع Xbox منذ اول جهاز Xbox و شفت اذاي تم عمل نقلة من SD الي HD و فاكر كمان وقت اطلاق Gears of War 1 علي منصة الـ360 و الي كانت تعتبر اول لعبة اشوف اطلاقها و وقتها كنت مبهور و كنت شايف حاجة جديدة قدامي بيكون زي اول مرة تشوف حدث رياضي علي التلفزيون بجودة الHD بتقول كويس في حاجة فعلا مختلفة.
و واحد من التحديات الي كانت امامنا في الجيل دة اننا كان لازم نعمل قفزة من الـ360 للـONE , و دي لا تعتبر نقلة قوية زي الي حصل من الـSD الي HD ولا 2D الي 3D , لازم تكون اقرب عشان تشوف الجودة و المحتوى الي تحسن او تم تطويره , الناس مش ملاحظة دة عشان الجيل السابق كان بيقدم مستوى رائع.
و لما شفت الالعاب شغالة علي 4K انا لقيت ان بقا في اختلاف بشكل واضح جدا , و لكن هو مش بنفس الفروق الي بين الـSD و الـHD ولا الـ2D والـ3D , و بخصوص الـHDR هو ميختلفش كتير عن كلامي السابق , انا احببت الشكل الي ظهرت بية الالعاب و الافلام علي الـHDR و بردوا ملقيتوش النقلة القوية زي الي حصل مع الامثلة الي قلتها “
احنا في انتظار اصدار المنصتين الجداد من الشركتين و هم الـPRO و الـScorpio و هنشوف هيقدمولنا اية جديد و مفضلش كتير عشان نكتشف الفروقات الي مقدماها الشركتين فالـPro هيتم اصدارة في 10 نوفمبر 2016 و الـScorpio هيتم اصدارة في 2017 .