تقنيات الـVR بدات تشد شركات كتير مؤخرا زي Sony Facebook و Razer من بعد ظهور Oculus Rift , الشركة اللي بتنضم للنادي دا اخيرا و فاجئت ناس كتير هي Microsoft.
الشركة في الندوة الاخيرة الخاصة بـWindows 10 قدمت تقنية HoloLens اللي المفروض هتخلي افكار بنشوفها في افلام الخيال العلمي حقيقة و تخلي اي مستخدم يتفاعل مع Holograms في الاماكن من حواليه.
التقنية المفروض ان هيكون ليها تطبيقات زي Skype والتصميمات الهندسية و التصميمات الجرافيكس و حسب ما ظهر في العرض ان يبدوا انهم هيتجهوا انهم يدخلو بيها عالم الالعاب و كان في تخيل للي ممكن توصله لعبة Minecraft.
في عرض نزل يكاد يكون مبالغ فيه شوية من وجهه نظري لكن التقنية اتعرضت بشكل مباشر في الندوة و كان بيتم التفاعل معاها بشكل غريب و يشد الانتباه.
