امبارح ظهر خبر ان مايكروسوفت سرحت حوالي 18 الف موظف دا جه بناء علي قرار من الشركة بقفل قسم Xbox Entertainment Studios .
من ضمن الموظفين اللي ميشو بشكل كامل Nancy Tellem رئيسة القسم نفسه و نائب الرئيس Jordan Levin , القسم كان مسؤول عن انتاج برامج التلفزيون الخاصة بشبكة Xbox Live اللي مايكروسوفت اللي كانت مراهنة بشكل كبير , مشاريع كتير من خلال القسم ده اتوقفت بس اللي فلت مسلسلات و ثائقيات زي the Atari E.T. dig و Halo: Nightfall و المسلسل الخاص بلعبة Quantum Break.
الشركة اخدت الخطوة دي بناء علي صعوبات كتير ممكن تواجهم في دعم البرامج و المسلسلات اللي هتتقدم خاصة انها هتكون لاي حد مشترك في خدمة Xbox Live و متاحة فقط لاي حد عنده Xbox و يظهر ان الموضوع دا ماشي مع خطة ادارة قسم Xbox بشكل عام للتركيز علي الـGaming بشكل اكبر في الفترة اللي جاية بعد قرارات كتير تم اتخاذها في الفترة اللي فاتت قريبة من الخطة دي.
عامة و بشكل شخصي و يمكن ناس كتير ممكن تكون متفقة معايا خطوة التركيز علي التلفزيون اللي كانت بتحاول تعملها مايكروسوفت كانت بالفعل غير مبشرة بالخير و الناس مش بتشتري Consoles عشان تتفرج علي برامج تلفزيون !
