في خلال مؤتمر Build 2016 اللي نظمته Microsoft للمطورين Phil Spencer مدير Xbox ناقش فكرة الاشاعات المنتشرة في صناعة الالعاب مؤخرا و منها اشاعة الـPlaystation 4.5.
هو شخصيا قال :
انا غير معجب بفكرة انتاج Xbox One و نص, لو هنفضل ان احنا نتقدم للامام يبقي لازم نقدم خطوة كبيرة و ضخمة. انا شخصيا معنديش فكرة عن اي حاجة تخش الاشاعات الاخيرة لكني متفهم اهداف اي فريق تاني ان حصلت حاجة زي كده لكن بالنسبة لينا الـXbox One شغال بشكل فهال و ادائه جيد من وجهه نظرنا و الخدمات بتتقدم بشكل كويس و لو هنقدم شئ جديد مع الوقت ضروري يكون تغيير كبير.
طبعا بعد الكلام دا البعض ممكن يحس بتعارض التصريحات بين اللي اتقال هنا و بين تصريح من فترة مش بعيدة عن امكانية تحديث امكانيات الـXbox One بأصدار قطع لتطوير ادائه مع الوقت. Phil Spencer وضح اكتر التصريحات دي و قال ان ضمان تحسين تجربة الـXbox One اللي بيخططوا ليها مش هتكون انهم يخلو الجهاز معاه وحدات و اجهزة اضافية. انما هما بيطمحوا اكتر في دراسة تقنيات جديدة مع الوقت و ازاي تضاف للـXbox One بدون انتظار 7 او 8 سنين عشان يتم اضافتها.
تعليقه من هنا المفروض موجهه اكتر لتقنيات زي الـKinect علي سبيل المثال اللي تم اضافته للـXbox 360 في الجيل السابق او اللي بتعمله Sony في الوقت الحالي مع الـPS VR. و اضاف ان تعليقاته اللي فاتت اتفهمت بشكل خاطئ و نتج عنها لغط كتير و كان في اتجاه بعدم التعليق عليها من Microsoft.
