في الفترة الاخيرة العاب المفروض انها حصرية علي الـXbox One بقينا بنشوفها علي الـPC و دا المفروض حسب تصريحات Microsoft من خلال Phil Spencer مدير قطاع Xbox في الشركة هيبقي دعم منهم لـWindows 10.
في خلال الفترة اللي فاتت Phil Spencer واحد من المتابعين سأله عن احتمالية اصدار سلسلة Halo للـPC و رده كان فيه شئ من الدبلوماسية و هو انهم دايما بيسمعوا اراء الناس و بيحاولوا يعرفوا ايه الالعاب اللي بيفضلوها, و الرد مكنش فيها اي تأكيد او نفي بخصوص السؤال و غير كده كان في ردود تانية منه بخصوص انهم بيطورو و بيحسنو خدماتهم الموجهه للـPC Gamer.
@ajleuer We are always listening to the feedback and listening to what games people want to see from us.
— Phil Spencer (@XboxP3) February 27, 2016
@BigMouthGamer We know lists like this include features PC gamers want to see from us, we appreciate the feedback and have plans to improve
— Phil Spencer (@XboxP3) February 26, 2016
علي العموم الامر مفيش منه اي تأكيد للحظة زي ما قولنا, لكن من المحتمل انه يحصل في الفترة اللي جاية او مش شرط من خلال العاب Halo الاساسية ممكن من خلال Halo Wars 2 اللي هي لعبة استراتيجية و دايما النوع دا من الالعاب مفضل لعبه علي الـPC
