أخبار و مراجعات ألعاب الفيديو

ستوديو Forza Horizon شغال على تطوير لعبة عالم مفتوح ولكن مش سباق

SHARE
, / 176
ستوديو Forza Horizon شغال على تطوير لعبة عالم مفتوح ولكن مش سباق

Playground Games الستوديو المسؤول عن تطوير Forza Horizon 3 هيفتح فرع جديد عشان يشتغل على لعبة جديدة ملهاش علاقة بالسباقات. في مقابلة مع Gamesindustry.biz, مؤسس الستوديو Ralph Fulton كشف إن الستوديو هيفتح في Leamington Spa في انجلترا. وده هيعطي فرصة للشركة إنها تختبر نفسها في نوع تاني من اللعب.

الستوديو كان تم تأسسيه في 2010, و الستوديو طور سلسلة Forza Horizon و يعتبر واحد من أفضل مطوري لعب السباق في السوق. ده ممكن يتغير طبعا لأن حسب Fulton هم عايزين يجربوا حاجة تانية.

احنا عندنا أحساس إن احنا بقينا كويسين جدا في تطوير لعب السباق خلال السنين ديه. طبعا احنا ممكن نتحسن أكتر وأكتر, ونبقى عندنا شغف إن احنا نبقى أفضل, ولكن احنا أيضًا نفسنا نثبت نفسنا في نوع تاني. ده هدف آخر لـProject 2, هيسمح لينا إن احنا نعمل كده. احنا حاليا هنبدأ في توظيف ناس موهبة جدا بخبرة مش متوفرة عندنا.

Fulton أكد لـGamesIndustry إن “Project 2” هيبقى لعبة عالم مفتوح, ولكن مفيش أي تفاصيل أخرى عن اللعبة. الستوديو بشكل عام مازال مستمر في تطوير سلسلة Forza Horizon.