SK Productions News Center

تفاصيل جديدة عن Halo 5: Guardians من تغطية مجلة Gameinformer

مجلة Gameinformer في عددها الجديد قدمت معلومات جديدة و حصرية عن لعبة Halo 5: Guardians ركزت بشكل كبير علي محتوي القصة و المحتوي الـMultiplayer من خرايط.

قصة اللعبة بتيجي بعد 8 شهور من احداث الجزء الرابع بحادثة اتسببت في خلال في انظمة شمسية و يرجع السبب لمجموعة اسمهم Guardians و منهم الكائن الضخم اللي ظهر في اول فيديو من اللعبة.

المفروض ان Chief ليه دور في التحقيق في الحادث دا بالاستعانة بـBlue Team الفريق المعاون ليه,اللعبة هتشمل شخصين ممكن تلعب بيهم اللعبة و هما Masterchief و Agent Locke و مع كل شخص من الاتنين بيبقي معاك فريق مكون من 3 اشخاص بيتحكم فيهم الـAI و بيقدمولك المساعدات اللازمة و ممكن تديلهم اوامر برضو بالهجوم علي هدف معين او استخدام اسلحة معينة و فريق Locke هيكون معاه معدات و اسلحة متطورة و بيستخدموا نظام اسمه  “ATS” Artermis Tracking System .

اللعبة هيكون طبعا فيها COOP باستخدام الشخصيات الموجودة في كل فريق و الـCOOP مش هيحتاج ان يكون معاك Xbox Live Gold.

اللعبة هيكون وقت نزولها فيها 20 خريطة للـMultiplayer و هيتزلها 15 DLC و كل الخرايط الاضافية هتبقي مجانية.