يظهر ان مجموعة Halo: The Master Chief Collection مش هتكفي انها تنزل علي Bluray Disc واحد , لان من خلال اعلان رسمي من 343i ان اللعبة هيكون ليها تحديث يوم نزلوها حجمه 20 جيجا!!!
السبب ورا حاجة زي كده ان ببساطة فريق التطوير شاف ان حجم الـBluray اللي بيوصل ل 45 جيجا مش هيبقي كافي لانهم يوصلوا للمستهلك منتج ليه جودة عالية بالشكل اللي هما عاوزينه , و عشان كده باقي اللعبة هيتم تحميله و هيكون المتبقي 20 جيجا اللي هيضيف جزء كبير من المحتوي الخاص بالـMultiplayer و شوية خصائص تانية.
و منتج اللعبة Dan Ayoub قال ان بدون التحديث الضخم دا كانه هيضطروا يضحوا بحجات كتير و يشيلوها من علي الـBluray.
يعني المجموعة الكاملة اللي شاملة Halo: Combat Evolved Anniversary, Halo 2: Anniversary, Halo 3, Halo 4 و البيتا الخاصة بـHalo 5: Guardians و مسلسل Halo: Nightfall هيكون حجمها 65 جيجا
