مايكروسوفت كشفت عن Project Scorpio خلال مؤتمرها في E3, و ده يعتبر الـXbox القادم. وده هيدعم Xbox One و Xbox One S, وهتقدر تستخدم كل حاجات الـXbox One عليه.
الجهاز هيدعم 4K و VR, والأمر ده كان زي مفاجأة لأن حاجة زي كده بتطلب Hardware قوي جدا. كمثال حاليا أي كارت شاشة بـ400 دولار بيعاني في دقة عرض 2160p عشان يوصل لثبات.
الجهاز موصفاته المعلن عنها هي انه هيتضمن 8-core CPU, و GPU بيوصل لـ6 Teraflops. و 320 GB memory bandwidth.
بجانب الاعلان, مايكروسوفت أكدت إن الجهاز هيدعم 60fps من غير أي تأثير على أي حاجة تانية في اللعب.
مايكروسوفت أكدت إن قوة الجهاز أيضًا هتدعم الـVR. و Todd Howard من Bethesda كان في عرض الكشف عن المشروع ده مع مطورين آخرين من DICE و ستوديوهات اخرى. Howard تحدث عن نسخة الـVR من Fallout 4 وإنها هتبقى متوفرة على الـConsole. مع العلم إن النسخة الـVR من اللعبة بتدعم HTC VIVE فقط حتى الآن. ده ممكن يبقى معناه إن HTC Vive هتدعم الـScorpio.
لم يتم الكشف عن سعر الجهاز ولكن الجهاز هينزل في خريف 2017.
