SK Productions News Center

تقرير: مايكروسوفت بتختبر عدة نماذج خاصة بـXbox One جديد

يبدو كده إن مايكروسوفت بتختبر نماذج متعددة خاصة بـXbox One حسب تقرير جديد.

مصادر قريبة من موقع The Verge قالت إن في كذا نموذج تحت الاختبار حاليا و النماذج ديه بتحتوي على أمكانيات أعلى من Xbox One العادي, و إن الـHardware بالفعل معموله Upgrade قريب للي بيتعمل للـPC عشان يحسن من أدائه.

التقرير ده نزل بعد ما ظهر ملف خاص بـFCC بيقترح إن مايكروسوفت حاليا شغالة على نموذجين جداد للـXbox One. واحد منهم من المفترض انه ده النسخة الـSlim.

بعد الكشف عن ملفات الـFCC, تم الكشف عن ملف من Anatel و دول المعادل البرازيلي للـFCC و مش شديدين قوي على موضوع حذر النشر و كده وبالتالي بيتم تسريب منهم حاجات كتير جدا, المهم الملف اللي تم الكشف عنه فيه wireless chipset جديدة للـXbox One. الـChipset ديه تم بالفعل الكشف عنها في وثائق الـFCC اللي حاليا تحت NDA/حذر من النشر لحد 25 يونيو.

untitleda8sbz

الصورة اللي في ملف بتعرض Chipset Model 1683, و حذر الـFCC بينتهي بعد أسبوع من E3, و كل ده بيؤدي لنقطة وهي إن فيه Xbox One جديد هيتم الاعلان عنه خلال مؤتمر مايكروسوفت في E3.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.