في الفترة اللي فاتت احنا عرفنا ان لعبة Quantum Break مش هتظهر في معرض E3 و هيتأجل عرضها لمعرض Gamescom. لكن Microsoft اضافت لقايمة الالعاب اللي هتغيب عن E3 العاب تانية زي Crackdown و Scalebound.
و حسب الكلام اللي اتكتب علي لسان Phil Spencer علي Xbox Wire انهم العاب زي Crackdown و Scalebound و Quantum Break هنشوفهم في Gamescom و مش هيتعرضو في E3 بالاضافة ان هيكون في عروض لالعاب جديدة للـXbox One و Windows 10.
طبعا من الواضح ان Microsoft بتحاول تهتم بشكل كبير بـGamescom و دا يخلي E3 جاهز مثلا لعروض تانية زي Halo 5 و Gears of War الجديدة و Forza 6.
