يبدو إن Nintendo بتعمل نفس اللي عملته مع Bayonetta 2 ولكن مرة ديه في الجزء التاني والمنتظر بشدة من Beyond Good and Evil.
Beyond Good and Evil 2, الجزء التاني من اللعبة اللي بقاله سنين في مرحلة التطوير, من الواضح كده إن Nintendo بتعيد أحياء الجزء ده ك حصرية على الـNX.
حسب تقرير من Destructoid, فـ Nintendo بتحاول إنها تضمن حقوق الجزء التاني كـ حصرية لجهازها القادم. الاشاعة ديه مصدرها Geno, اللي كان سرب تفاصيل مهمة عن الجهاز من كام يوم.
Geno قدم لـAlexander Maier كاتب Dual Pixels بوثائق فيها تفاصيل عن الجزء التاني من اللعبة. الموقع قدر انه يؤكد الاشاعة من مصدر تاني.
إسم الجزء التاني حاليا هو Beyond Good and Evil: The Prejudices of Philosophers, و يقال إن Nintendo هي اللي بتمول المشروع في أمل إنها تكسب الناس.
Nintendo كانوا عملوا كده قبل كده مع Bayonetta 2, و كان الجزء ده مليء بالمشاكل في مرحلة التطوير, وهي قريبة جدا من نفس المشاكل والتعقيدات اللي بتواجه Beyond Good and Evil.
