أخبار و مراجعات ألعاب الفيديو

تسريب الـController الخاص بـNintendo NX

SHARE
, / 228

مصدر جديد سرب أول صورة من الـController الخاص بـNintendo NX, والصورة قريبة من براءة اختراع كانت Nintendo قدمتها من فترة.

في ديسمبر 2015, تقرير ظهر إن Nintendo سجلت براءة اختراع لـController الكثير يعتقد إن خاص بـNX اللي Nintendo بتلمح ليه بقالها فترة كبيرة.

Controller شكله قريب جدا للي Nintendo بتحب دايما تقدمه للسوق من أفكار متطورة  و مخاطرات. المصدر جديد اسمه Idriss2Dev و هو اللي أرسل الصورة دي لـDual Pixels. لو الصورة حقيقية و ده فعلا الـController القادم لجهاز Nintendo الجديد, فـ ده حاجة عالم الـgaming مشفهاش قبل كده.

nintendo-nx-controller-leak.jpg

الـController شكله مستقبلي جدا, تقريبا ديه شاشة وفيها Touch Buttons و Analog Sticks دول Concave.

طبعا الصورة ديه ممكن تبقى لحاجة تحت التطوير و مش المنتج النهائي و ممكن نشوف حاجة تانية خالص. على قد ما الصورة ممكن تبقى حقيقة ولكن دي في الاول و الآخر اشاعة, مفيش أي تأكيد إن ده Controller الخاص بـNX أو ليه علاقة بـNintendo و براءة الأختراع اللي تم تقديمها – في الحقيقة, مفيش تأكيد إن البراءة ديه أصلا ليها علاقة بـNX.

لو الاشاعات صح و Nintendo NX هينزل السنة ديه, يبقى ده شيء منطقي إن Nintendo أرسلوا Controllers لبعض الناس عشان يختبروه. و صورة دي ممكن تبقى من واحد من المختبرين.