حتى الآن كل اللي معروف عن التحديث اللي هيحصل لأجهزة الجيل الحالي, كلها هتستخدم APU خاص بـAMD. ومفروض إن Nintendo NX كان هيستخدم وحدة خاصة بـAMD أيضًا, ولكن حسب مصدر جديد, Nintendo شغالة مع Nvidia و هتستخم وحدة Tegra.
القصة ديه حاليا ليها مصدرين – المصدر الأول قال إن NVIDIA هتوفر Tegra Processor مبني على Pascal لـ “Next-Gen Console”.
أولا, Nintendo حاليا شغالة مع NVIDIA و ده شيء ضخم جدا !! الـGameCube كان مقوى بـFlipper GPU كان مطور من قبل ATI ساعتها, وبعد نجاح الـWii اللي كان أيضًا مقوى بـHollywood وهو قطعة مطورة من قبل ATI برضه.
في Wii U, Nintendo استخدمت قطعة معدلة مطورة من قبل AMD, IBM و Renesas و أيضًا فريق البحث والتطوير الداخلي في Nintendo و فريق تطوير التكنولوجيا. الـGPU ذات نفسه عبارة عن GX2 مصمم من قبل AMD ومبني على هندسة R600/R700 @ 550MHz. طبعا هو قديم جدا حاليا, فـ استخدام Tegra هو شيء مثير جدا. الـTegra X1 يقدر يستخرج صورة 4K, و 080p 60FPS gaming بدون أي مشكلة.
استخدام Nintendo لحاجة خاصة بـNvidia هو طبعا مكسب ضخم لـNvidia قصاد AMD, و عبارة عن نقلة ضخمة من تصميم مبني على CPU/APU أو GPU, إلى Mobile SoC. ده ممكن يبقى معناه أيضًا إن Nintendo NX هيبقى console موحد ما بين الـWii كفكرة و 3DS.
من المتوقع جدا إن Nintendo هتكشف عن الجهاز في E3, في يونيو القادم, فـ لحد يونيو الموضوع ده كله عبارة عن اشاعة.
