جهاز Nintendo القادم الـNX, هيبقى محمول, جهاز Handheld بـControllers ممكن تفصلها منه, و الأخبار ديه حسب كذا مصدر موثوق.
على الماشي, الـNX هيبقى جهاز Handheld قوي بشاشة خاصة بيه. الغريب هنا بقى; إن الشاشة متصلة بـ2 Controllers على كل ناحية, و تقدر تفصلهم أو توصلهم زي ما تحب.
في البيت, تقدر توصل الجهاز بالتلفزيون الخاص بيك عشان تلعب على الشاشة الكبيرة. قاعدة الجهاز هي اللي بتوصل فيها الـNX عشان توصل الجهاز بالتلفزيون.
المفاجأة التانية هي إن الجهاز هيستخدم شرايط/cartridges.
بـ اعتبار إن أساس الـNX هو جهاز محمول, فـ الاختيار ده هو الأنسب و مساحة الشريط حسب المشاع هي 32 جيجا, و ده صغير لو قارنت بـ أحجام اللعب الحالية.
الجهاز هيدعم اللعب الرقمية, Nintendo كانوا بيفكروا إن الجهاز ده يدعم اللعب الرقمية فقط, ولكن بعد كده قررروا عكس القرار ده.
ديه مش أول مرة يظهر حاجة خاصة بـNintendo و إن الـNX هيدعم شرايط. في مايو كان في تسجيل لعلامة مسجلة خاصة بـThe Legend of Zelda: Breath of the Wild و الشريط الخاص بيها. ده كان تغير من التسجيل الطبيعي الخاص بـNintendo اللي عبارة عن يا تحميل رقمي يا اسطوانة.
وبسبب التغير الجذري في تصميم الـHardware و التكنولوجيا الداخلية, الجهاز مش هيدعم الـbackwards compatibility.
مصدر تاني أكد إن الجهاز هيشتغل على نظام تشغيل مطور من قبل Nintendo. على عكس الاشاعات اللي كانت بتقول إن الجهاز هيشتغل على Android.
داخل الـNX, حسب معظم المصادر هيبقى Nvidia’s Tegra mobile processor. وهو Processor قوي جدا للأجهزة المحمولة. للاسف المقارنات من ناحية الـGraphics صعبة جدا وده بسبب الأختلاف الضخم في طبيعية الجهاز – ولكن Nintendo كلعادة هتقوم بالتضحية بقوة الجهاز عشان تضمن إنها تقدر توفر كل التكنولوجيا ديه في جهاز محمول.
مصدر تاني أكد إن Nintendo هتكشف عن الجهاز قريب جدا و ممكن على سبتمبر.
بعد فشل Nintendo في تسويق الـWii U ساعة اطلاقه, رسالة Nintendo المرة ديه في تسويقها للـNX هتبقى بسيطة جدا وهي إنك هتقدر تاخد أي لعبة On the Go.
الجهاز هينزل في مارس 2017.
