SK Productions News Center

الكشف عن الـNintendo NX هيبقى في سبتمبر

بعد عدم ظهور الجهاز خلال E3, السؤال حاليا امتى هيتم الاعلان عن Nintendo NX. حسب تقرير رنساوي الجهاز هيتم الاعلان عنه خلال سبتمبر.

الجهاز هيتم عرضه خلال Tokyo Game Show. و التقرير ده أيضًا بيكشف إن هيبقى في Remasters متعددة هيتم الكشف عنها بجانب الجهاز زي Skyward Sword, Mario Kart, و Smash Bros.

و أيضًا في أخبار جديدة من Paul Raines رئيس GameStop وهي إن الجهاز هيدعم الـPhysical Media, على عكس الاشاعات اللي كانت بتقول إن الجهاز هيبقى Digital-Only. النهاردة Raines أكد إن هيبقى في اسطوانات و دور GameStop في دعم سوق اللعب المستخدمة هيبقى متوفر.

تقرير الجريدة الفرنساوية أكد أيضًا إن قوة الـNX هتبقى قريبة جدا من PlayStation 4 و الكلام ده كان تم تأكيده من Fabian Mario Döehla مدير الاتصالات في CD Projekt Red و قال أيضًا إن الـNX هيبقى جهاز رائع.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.