أخبار و مراجعات ألعاب الفيديو

تسريب امكانيات جديدة للـNintendo NX تشير إن الجهاز أقوى بكتير من المشاع حاليا

SHARE
, / 204
تسريب امكانيات جديدة للـNintendo NX تشير إن الجهاز أقوى بكتير من المشاع حاليا

من أيام كان في تسريب عن Nintendo NX, و إن الجهاز هيبقى هجين بين الـConsole و Handheld, حاجة زي دمج ما بين Wii U و 3DS. التسريب أكد إن الجهاز هيبقى أقوى جهاز تم صناعته من قبل Nintendo, ولكن هيبقى أضعف من الـPS4.

ولكن, منذ التقرير ده, في تقارير جديدة نزلت بتكشف إن الـNX ممكن يبقى أقوى بكتير من المشاع حاليا و هيستخدم Chip حديثة جدا و متطورة جدا. تقرير Eurogamer عن الجهاز كان عن عدة التطوير الخاصة بـ جهاز, وكلها بتستخدم Nvidia Tegra X1 ولكن مذكرة خاصة بنظام التبريد الخاص بالجهاز بتشير إن الجهاز النهائي هيستخدم قطعة متطورة أكتر. هل القطعة ديه هي Nvidia Tegra X2 الغير معلن عنها حتى الآن؟ حسب مصادر داخلية, أكدت إن الجهاز فعلا هيستخدم NVIDIA Chip مبنية على معمارية Pascal.

ده معناه إن الجهاز مش هيستخدم Tegra X1, ودة لانها مبنية على معمارية Maxwell. و أيضًا ده معناه إن الـNX ممكن يبقى أقوى بكتير وفعال أكتر من المتوقع حاليا. و ده بسبب إن الجهاز بيستخدم قطعة مبنية على Pascal. نظريا ده معناه إن الجهاز ممكن يبقى أقوى من المشاع بكتير. آه مش نفس مستوى PS4 NEO مثلا, لكن ممكن يبقى في قوة Xbox One.

وأيضًا ظهر مصدر تاني معروف بسجل جيد من التسريبات الصحيحة.

بشكل عام, كل ده حتى الآن إشاعات لحد ما Nintendo تكشف عن الجهاز أو NVIDIA يكشفوا بشكل رسمي عن Tegra X2.