الـWii U كان واحد من أكبر الأجهزة اللي فشلت في النجاح في السوق المعاصر, و حاليا Nintendo بيجهزوا لاصدار جهاز جديد وهو Switch, وفي أسباب كتير ليه الناس المفروض تقلق على إزاي Nintendo داخلين مطمنين قوي إن الجهاز ده هيحقق نجاح ومش هيبقى زي Wii U.
Reggie Fils-Aime رئيس Nintendo أمريكا قال إن فيه سببين بساط جدا ليه الـSwitch هيبقى انجح من Wii U, السبب الأول هو إن المستهلك فاهم إيه هو الـSwitch ومتفاعل معاه بـ ايجابية جدا, والسبب التاني هو إن Nintendo عندها مخطط لتوفر ألعاب على الجهاز بشكل مستمر و كان تصريحه كالاتي:
Nintendo Switch هو Home Console تقدر تلعب بيه في أي مكان مع أي حد. الجهاز واضح, مريح وسهل. احنا شايفين ردود أفعال الناس على شبكات التواصل الأجتماعي و أيضًا أنا في اصدقاء من أيام المدرسة بيتصلوا بيَّ عشان يعرفوا إزاي يحصلوا على Switch في أسرع وقت. احنا قدرنا نقدم الفكرة بشكل واضح وده نجح. توفر اللعب هيبقى شيء مهم جدا, Wii U معروف بتوفر محتوى رائع ولكن المشكلة إن كان في فروق ضخمة في الوقت ما بين اصدار كل لعبة ضخمة.
حاليا, Nintendo عندها 8 ألعاب طرف أول متوفرة على Switch, كلهم هينزلوا في 2017, فا من ناحيتهم هم فعلا بيحاولوا انهم يقدموا لعب, ولكن هم محتاجين يقدموا أكتر, خاصة إن من الواضح إن Switch هيعاني من عدم دعم مطوري الطرف التالت تاني. ولكن في الوقت الحالي الـNintendo Switch خلص من السوق من قبل ما ينزل وردود الأفعال ايجابية جدا, فـ على الأقل أساس Nintendo المرة ديه قوي جدا.
