من خلال منتديات NeoGAF اتنشرت معلومات المفروض انها من مصادر في شركة Nintendo, ان فترة اعياد 2016 هتشهد اصدار لعبة The Legend of Zelda جديدة لمنصة Nintendo NX.
المعلومات كان فيها تفاصيل كتيرة جدا عن اعلانات تخص العاب Nintendo و دي كانت اهمها و ان اللعبة كمان هتنزل للـWiiU بس الاهم انهم هتكون لعبة اطلاق للجهاز نفسه و هتنزل في فترة الاعياد او الربع الاخير من السنة تحديدا.
المصدر البعض ممكن يثق فيه لانه ذكر معلومات عن العاب Pokemon اسمها Niji هيتم الاعلان عنها في الذكري العشرين لـPokemon و اتضح انها نسختين Sun و Moon خصوصا ان موقع Gematsu اكد ان ملفات لوجو النسختين كان اسمهم Niji_A و Niji_B.
جدير بالذكر ان المعلومات ذكرت ان هيحصل تخفض لسعر الـNintendo 3DS في فترة الخريف كمان.
