كلنا عارفين إن Nintendo في Bubble لوحدها حاليا مش مهتمة خالص بـ3rd Party Developers, ودة من أسباب إنها المركز التالت في Consoles, Nintendo اعترفوا ببعض اخطائهم و بيصلحوا اللي يقدروا عليه.
دلوقتي Shigeru Miyamoto واحد من اعرق واعظم مطورين Nintendo قال رأيه في أسباب فشل الـWii U.
خلال حديثه مع NPR فسر إن سبب المبيعات الضعيفة مش بسبب سعر جهاز و قال :
أنا معتقدش إنها بسبب السعر فقط, لأن لو الجهاز كويس وجذاب بما فيه الكفاية للمستهلك, الناس هتشتري الجهاز ده. حتى لو تمن الجهاز عالي شوية, أنا بعتقد إن مع الـWii U, إن الناس مفهمتش الجهاز و ده كان تحدي لينا.
Miyamoto موضحش إيه اللي المستهلك معرفش يفهمه أو إزاي Nintendo كانت ممكن تعمل حاجة افضل عشان تحارب وتصلح الموضوع ده.
ولكن هو قال برضه عن مشكلة تانية و هي إن الـtablets سبقت اللي Wii U قدمه بسرعة جدا على عكس اللي كانت Nintendo متوقعاه.
Tablets زي Android Tablets و iPad ظهروا في سوق و تطوروا بسرعة جدا جدا, وللاسف Wii U اطلق في وقت كانت الامكانيات الخاصة بيه مكنتش قوية زي ماهي كانت قوية أول ما احنا بدأنا تطوير الجهاز. كان سعتها كل ميزة هتتقدم في TouchScreen Interface الخاص بينا كانت مميزة جدا وفريدة من نوعها, ولكن على موعد الاطلاق الموضوع كان مختلف, لأن Tablets كانت تطورت بسرعة رهيبة ووصلت للي احنا مقدمينه في Wii U.
طبعا أداء الـWii U في سوق مش هيضعف مركز Nintendo في سوق في أي وقت قريب, ولكن ده أرغم شركة إنها تتأقلم مع السوق الشركة مؤخرا غيرت موقفها من Smartphone Gaming, واعلنت انهم هينزلوا 5 لعب على smartphones على نهاية 2017.
Nintendo برضه اعلنت عن جهاز جديد اسمه NX, و مفروض إن الكشف عنه هيبقى في 2016.
Miyamoto حاليا متفائل جدا بالمستقبل
اللي مميز وفريد من نوعه في Nintendo هو إن احنا بنحاول دايما إن احنا نعمل حاجات مميزة وفريدة من نوعها و مختلفة.
في بعض الأوقات ممكن تشتغل وتنفع, وفي أوقات تانية ممكن متبقاش ضخمة زي ما إنت بتأمل.
بعد Wii U, احنا بنأمل إن مرة القادمة تبقى ضخمة جدا.
