طبعا احنا عارفين إن The Legend of Zelda: Breath of the Wild هتقدم نفس المحتوى على الجهازين وهيبقوا نفس اللعبة, ولكن بشكل عام هيبقى في فروق تقنية بالاضافة إن النسخ الخاصة هتبقى حصرية على Switch.
حسب Nintendo اللعبة شغالة على 30fps على الجهازين, و اللعبة هتحتاج 3GB مساحة على Wii U عشان يتعملها Install. أما عن دقة العرض فا Breath of the Wild شغالة 900p على Switch وهي متصلة بالتلفزيون, أما نسخة Wii U شغالة على 720p. نقطة اضافية لما بيتم فصل Switch عن التلفزيون اللعبة بتشتغل على 720p بسبب إن ديه اقصى دقة عرض الشاشة بتدعمها.أيضًا نسخة Switch بتدعم جودة أعلى من الأصوات. أصوات زي الخطوات, الماء و الزرع, والمزيد اكثر واقعية وبتحسن جو اللعبة.
اللعبة هتنزل على الجهازين يوم 3 مارس القادم.
