أخبار و مراجعات ألعاب الفيديو

اعلان شركة Amazon عن 3 العاب من انتاجها و تطويرها

PC
SHARE
, / 117
اعلان شركة Amazon عن 3 العاب من انتاجها و تطويرها

شركة Amazon اعلنت من فترة عن نيتها لانتاج العاب و فتح ستيديو جديد بأسم Amazon Game Studio و الاعلان جه من بعد استحواذ الشركة علي Twitch الموقع المتخصص في البث المباشر.

و من خلال احتفالية Twitch Con تم الاعلان عن العاب جديد من تطويرهم و هم Breakawayو  Crucible و  New World. اول لعبة و هي Breakaway هي عبارة عن 4v4 Moba و بتقدم فكرة اسمها Buildabes بيتم التركيز عليها وسط اللعب و اللعبة تم تصميمها مع الاعتبار انها تدعم البث المباشر عن طريق Twitch بشكل كامل و استعراض الاحصائيات الخاصة بالمباريات وسط البث المباشر و التواصل بين المشاهدين بشكل جديد و التفاعل معاهم  من خلال استطلاع للاراء او توفير عملة بيتم الحصول عليها من خلال مشاهدة اي بث للعبة و استخدامها في عمليات شراء في اللعبة نفسها او من خلال موقع امازون نفسه.

 

اللعبة التانية هي Crucible و 6v6 third-person shooter و فيها بعض الافكار و عناصر الـMOBA بشكل يخليها اقرب لتصنيف الـHero Shooters و التواصل بين اللعبة و Twitch اشبه بلعبة Crucible و فيها دعم افضل لدعوة لاعبين من الممكن يتسببوا في بعض الـEvents العشوائية في اللعبة.

اما اللعبة التالتة و الاخيرة هي New World و هي Sand Box MMO بتدور احداثها في فترة الاستعمارية في امريكا في القرن السابع عشر, اللعبة تفاصيلها مش واضحة في الوقت الحالي و لكن حسب الوصف المتاح ليها انك بتشارك لاعبين في بناء حضارات مختلفة و بيحصل تغيير ليها مع الوقت.