SK Productions News Center

فيديو للعبة Ark: Survival Evolved بيوضح الجيمبلاي و الحياة وسط الديناصورات

لعبة Ark: Survival Evolved هي لعبة بقاء علي قيد الحياة من تطوير مطور مستقل اسمه Wildcard , من خلال اللعبة بيقدم تجربة عالم مفتوح و بتتواصل فيها مع اعداد ضخمة من الناس بالاضافة لمواجتهك لنوعية حياة برية نادر نشوفها في الالعاب مؤخرا و هي الديناصورات.

اللعبة بتخليك انت و اي شخص بتلعب معاه او حتي وحدك تحاول تصطاد او تتفادي الديناصورات دي و تبني بيوت تعيش فيها و توصل لدرجة انك ممكن تربيهم , اللعبة حتي فيها عناصر من خيال علمي و فانتازيا بشكل كبير زي التنانين و بشكل عام هي شكلها قريب من العاب زي Rust و The Forest مثلا.

المفروض ان Wildcard بيطوروا اللعبة للـPS4 و Xbox One و PC من خلال Unreal Engine 4و المفروض انها هتنزل يوم 2 يونيو علي Steam Early Access و هتنزل بشكل كامل و رسمي في 2016.