Assassin’s Creed بقالها فترة تطويرها متقسم على كذا ستوديو, ولكن Ubisoft Montreal رحب بفرقة تانية معاهم عشان يضمنوا وقت أكتر في تطوير اجزاء قادمة.
في مقابلة مع CVG, نائب رئيس الستوديو Lionel Raynaud قال إن الفريق طلب وقت أكتر في العمل على تطوير Assassin’s Creed.
في مونتريال, احنا عايزين وقت أكتر في عملية تطوير اجزاء قادمة في سلسلة Assassin’s Creed
حسب المعروف حاليا فان Unity مليانة مشاكل كتير في جودة ثبات اللعبة على PS4, Xbox One, و PC.
تعليقات Raynaud كانت جزء في مناقشة إن ستوديو Ubisoft Quebec هيبقى هو الستوديو الرئيسي في تطوير الجزء القادم من Assassin’s Creed.
بينما إن اجزاء السابقة من اللعبة كان بيتم تطويرهم من كذا ستوديو, فريق تطوير اللعبة في مونتريال كانوا دايما هم اللي في قيادة تطوير اللعبة وكان في مساهمة من باقي ستوديوهات Ubisoft. دلوقتي Ubisoft Quebec هيبقى الستوديو اللي في قيادة تطوير اللعبة بين حين وآخر. Assassin’s Creed بتتبع خطوات سلسلة زي Call of Duty, واللي بتدي وقت أكتر لمطورين اللعبة عن طريق تغير الستوديو المطور سنويا.
المثير للاهتمام في الموضوع ده هو إن Raynaud قال إن اعطاء القيادة لستوديو Quebec بين حين وحين هيعطي Ubisoft Montreal وقت أكتر لتجربة حاجات جديدة في السلسلة, وبكدة السلسلة هتتجه في اتجاه جديد وأحسن.
القرار ده هيدينا وقت أكتر, احنا كنا بنزل اجزاء كتير من لعب Assassin’s Creed كل سنة في مونتريال و كان نفسنا إن يبقى عندنا وقت أكتر لتجربة حاجات جديدة
في حاجات احنا عارفين إن احنا نقدر نعملها في سلسلة Assassin’s Creed وحاجات ممكن منقدرش نعملها ولكن أنا بسأل نفسي دايما ليه احنا مش بهنعرف نعمل الحاجات ديه؟ إيه اللي احنا هنحتاجه عشان نجرب الحاجات ديه؟
