صرحت Ubisoft ان لعبة Assassin’s Creed Unity اللي بتعاني من مشاكل كتيرة في الـFramerate , ان سبب المشاكل مش الاعداد الضخمة من البشر في اللعبة اللي سعات بتوصل ل 10 الاف شخص علي الشاشة.
المطورين بدأو يحققوا في اسباب المشاكل و اول اشتباه كان في الاعداد الضخمة و علي رغم ان قبل تطوير اللعبة كامل عواقب اللي ممكن تنتج عن حاجة زي كده لكن في الوقت الحالي الاعداد دي مش بتأثر علي الاداء.
الشركة في الوقت الحالي بتقول انها بتاخد اراء و شكاوي الناس بكل جدية و دراسة مشاكل اللعبة بيتم بكل حرص و دقة و كان في تناقد واضح في الاداء بين النسخة الخاصة باواخر عمليات التطوير و النسخة اللي تم اصدارها في الاخر و يبدوا ان المشكلة مركزة علي الاستفادة بشكل كامل من انوية المعالجات و تنظيم و ضبط الاداء.
الشركة وعدت بمجموعة تحديثات في الفترة اللي جاية و النهاردة احنا رفعنا فيديو المراجعة الخاص باللعبة ممكن تتعرفوا علي راينا بخصوص اللعبة من خلاله.
