SK Productions News Center

ستوديو Rockstar يخرج عن صمته و يعلن أن المشاركين في مشروع FiveM استخدم Code يسهل قرصنة اللعبة

من فترة كان في مشروع اسمه FiveM Project وكان هدف المشروع ده تقديم Modded Lobbies في GTA Online, كل الهدف من Lobbies ديه هو التهيس فقط, مفيش فلوس مفيش إنك تعلي Level بتاعك في اللعبة. هي Lobbies كل الهدف منها هو المتعة وضحك.

اعتقاد فريق FiveM كان ان مدام Lobbies ديه هدفها كده فـ مش هيبقى في أي Bans و كانت الأمور هتبقى طبيعية لحد من كام يوم ناس من مطوري المشروع وناس مشرفين فقط يعني ملهمش أي دور غير الأشراف على المنتديات الخاصة بالمشروع أو صفحة المشروع على Reddit كلهم جالهم ban من Online و Singleplayer.

الفريق كله طبعا قال ان الأمر ده غير عادل لأن المشروع ده ملوش علاقة بـGTA Online.

Rockstar اخيرا نزلوا بيان رسمي في رد على كلام الفريق

مشروع The FiveM هو خدمة Multiplayer تانية لـGTA Online غير مصرح بها, الخدمة ديه بتحتوي على Code مصمم لتسهيل القرصنة. سياستنا في التعامل مع مخالفات شروط الخدمة واضحة جدا, والأفراد اللي شاركت في المشروع ده, تم وقف حسابتهم الشخصية الخاصة بـRockstar Social Club

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.