أخبار و مراجعات ألعاب الفيديو

اشاعة : لعبة Battleborn من المحتمل تتحول للعبة مجانية

SHARE
, / 88
اشاعة : لعبة Battleborn من المحتمل تتحول للعبة مجانية

علي ما يبدوا ان شركة 2k بتستمر معاناتها مع الالعاب الي بتقوم باصدارها و دة بيجي بعد التقارير الي خرجت من موقع Kotaku الي بيقول ان لعبة Battleborn هيتم اصدارها بشكل مجاني و تبقا متاحة لكل الناس تحميلها و لعبها , و دة يرجع لعدم قدرة اللعبة في المنافسة مع OverWatch و الي تعتبر محققة نجاح ساحق في عالم العاب الـShooter بوجة عام و في الـ hero-shooters بشكل خاص , و بسبب عدم قدرة Battleborn في المنافسة كانت قررت شركة 2k بانها تنزل سعر اللعبة من 60 دولار لـ20 دولار و برغم كدة مفيش اي تفاعل مع اللعبة و دة الي خلاها تتوجه للخطوة دي و انها تنزلها بشكل مجاني .

دي مش اول مرة تقوم شركة 2k من طرح لعبة بشكل مجاني بسبب عدم الاقبال عليها فكانت الشركة بتعاني ايضا مع لعبة Evolve و الي محققتش اي نجاح يذكر قامت الشركة بطرحها بشكل مجاني في الاسواق و دة كان لية دور في زيادة التفاعل مع اللعبة حيث ان لعبها 20 الف لاعب و دة الي بتحاول الشركة انة يحصل مع Battleborn .

حاليا احنا في انتظار اعلان رسمي من الشركة يؤكد الخطوة دي و كمان يرجع بعد ما خرج رئيس Take Two و هي المالكة لـ2K و لـRockStar و هو Strauss Zelnic و الي اعلن ان لعبة Battleborn فشلت في تحقيق اي نجاح متوقع لها , و بعد التخفيضات الهائلة الي بتحصل للعبة في المتاجر علي ما يبدوا ان الخطوة دي هتكون صحيحة بنسبة كبيرة جداً .