يبدو إن Denuvo كانوا بقالهم فترة شغالين على نسخة جديدة من الـanti-tamper tech الخاصة بيهم, بالذات بعد اللي حصل مع Resident Evil 7.
Resident Evil 7 كانت بتستخدم النسخة الأخيرة من Denuvo و تم فك حمايتها في 5 أيام فقط. وبسبب كده ناس كتير أعتقدت إن ديه نهاية Denuvo. ولكن, تم الاعلان إن الفريق قام بـ اعادة تأسيس التكنولوجيا بالكامل.
النسخة الجديدة من Denuvo هيتم استخدامها في اللعب القادمة. Sniper: Ghost Warrior 3 هتستخدم النسخة ديه, ولكن غير معروف هل For Honor, Tom Clancy’s Ghost Recon Wildlands و Mass Effect: Andromeda هيستخدموا النسخة ديه ولا لأ.
تكنولوجية Denuvo قدرت إنها تحمي لعب كتير من إنها يتعملها Crack العام الماضي, ولكن مجموعة معينة قدرت توصل لطريقة عمل الحماية و قدروا انهم يفكوها. و بسبب كده بقى في Cracks للعب كتير جدا محمية بالنسخة الأخيرة من Denuvo.
For Honor, Tom Clancy’s Ghost Recon Wildlands و Mass Effect: Andromeda هينزلوا الشهر اللي جي, ولكن Sniper: Ghost Warrior 3 هتنزل في ابريل.
