Dontnod المطور اللي قدم في 2013 لعبة Remember Me و مؤخرا افضل العاب السنة Life is Strange اعلنوا من ساعات عن تفاصيل لعبتهم الجديدة Vampyr.
من خلال اسئلة و اجوبة علي المدونة الاوروبية الخاصة بـPlaystation المخرج Philippe Moreau قال ان اللعبة هتكون Action RPG في لندن سنة 1918 مع انتشار عدوي الانفلونزا الاسبانية, بطل اللعبة هو جراح و مصاص دماء اسمه Jonathan Reid بيحاول يدور علي علاج لحالة من التحول بتصيب مصاصي الدماء.اللعبة هيكون فيها عناصر كبيرة من الاستكشاف و عمليات التحقيق و البحث عن الادلة و في نظام قتالي علي حسب وصفهم دموي شوية.
اللعبة غير محدد معاد نزولها و هيتم نشرها عن طريق Focus Home Interactive علي اجهزة PC و PS4 و Xbox One.
