SK Productions News Center

الاعلان عن ECHO لعبة خيال علمي بذكاء اصطناعي متطور جدا

ستوديو Ultra Ultra شغال حاليا على ECHO وهي لعبة Stealth Action خيال علمي جديدة, ونزلوا أول صور وعرض من اللعبة. اللعبة بيتم تطويرها على Unreal Engine 4 وشكلها مثير جدا.

Awakening_Screenshot_1080

في ECHO, اللاعب بيلعب بـEn اللي بتلاقي نفسها في قلعة و ده مكان غريب جدا وحساس بالعالم اللي حواليه و بيصنع Echos كنوع من وسائل الدفاع. مهمتك بسيطة وهي إنك تهرب من القلعة ديه.

CryoRoom_Screenshot_1080

المثير جدا هنا هو إن أعدائك في اللعبة بيتعلموا إزاي إنت بتلعب. حسب وصف اللعبة التالي:

الـECHOS بيتصرفوا زيك بنفس السلوك و بيعملوا اللي إنت بتعملوا. فـ إزاي إنت هتلعب اللعبة ديه ده اللي بيشكل عدوك. لو هتجري, الـEchos هيبقوا أسرع. لو هتستخبى, هم هيبقوا Stealthy أكتر. لو هتضرب نار, هم هيضربوا عليك بالنار أيضًا. اللعبة دائما بتتفاعل مع كل اختيار انت هتعمله.

ECHO_Echoes

القصر بيتابع تحركاتك و بيطبقها في أعدائك اللي هم نسخة منك بالظبط. عشان القصر يقدر يعمل كده لازم يعمل Reboot لنفسه و ده معناه إن هيحصل إنقطاع في الطاقة, في الفترة اللي فيها Blackout, اللاعب ممكن يستغلها لأن خلال الفترة ديه القصر أعمى, و ده بيدي للـ لاعب حرية الحركة بدون وجود عواقب.

Palace_Face_Screenshot_1080

ده بيبقى الوقت إنك تعمل أي حاجة إنت مس عايز القصر يتعلمها.

EnSuit_Screenshot_1080

فكرة اللعبة شيقة جدا صراحة واحنا في انتظار أكتر عن اللعبة.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.