رئيس Daybreak Games اعلن عن إلغاء EverQuest Next في خطاب رسمي.
لمجتمع Daybreak,
أنا بكتب النهاردة عشان تعرفوا, إن بعد مراجعات و بحوث كتيرة, Daybreak هتوقف تطوير EverQuest Next.
في آخر 20 سنة EverQuest كانت عمل بنقوم بيه بكل حب. المشروع بدأ بشغف كبير لينا, كصانعي لعب الموضوع تطور إلى شغف كبير جدا بسبب مشاركتكم في المشروع.
مشاهدة EverQuest إنها تمتع الناس و تجمعهم, ألهمنا جدا. ده شيء شكل ثقافتنا و خلانا ناخد مخاطرات كتير في أفكارنا و منتجاتنا. لما بدأنا تطوير الجزء القادم من EverQuest, كان هدفنا إن احنا نعمل حاجة ثورية.
لمن يعرف عملية تطوير اللعب, اكيد عارف إن ألغاء اللعب هو واقع بنواجه من وقت لوقت. في حالة EverQuest Next, احنا عملنا حاجات كويسة جدا ابهرت ناس كتير من داخل عالم صناعة اللعب. ولكن للأسف, لما تم جمع القطع مع بعض, لقينا إن اللعبة مش ممتعة.
احنا عارفين إن محبي EverQuest عندهم معاير عالية واحنا كمان. في المراجعة الأخيرة, كنا مضطرين إن احنا نواجه الحقيقة وهي إن EverQuest Next مش هتقابل التوقعات الخاصة بينا و الخاصة بمحبي عالم Norrath.
مستقبل سلسلة EverQuest ككل هو شيء مهم لينا احنا هنا في Daybreak.
EverQuest في كل اشكالها هي شيء قريب وعزيز على قلوبنا.
Russell Shanks رئيس Daybreak قال من خلال الرسالة دي ان اللعبة من ساعة الاعلان عنها في 2013 و هي للاسف موصلتش لمعايير الجودة و الانتظار اللي تخليها تستحق اسم EverQuest و المحصلة النهائية كانت ضرورة الغاء التطوير اللعبة. غير كده Russell Shanks ذكر ان تطوير و دعم EverQuest و EverQuest 2 هيفضل مستمر بالاضافة لاداة EverQuest Landmark اللي هتخلي اي حد يستخدمها لانه يبني المراحل الخاصة بيه في عالم اللعبة.
في الوقت الحالي الاستيديو هيركز علي تطوير و دعم العاب EverQuest القديمة و PlanetSide 2و DC Universe Online و H1Z1
