SK Productions News Center

تأكيد نزول Everybody’s Gone to the Rapture علي الـPC و تفاصيل عن لعبة جديدة من The Chinese Room

ستيديو The Chinese Room بعد كم من التسريبات اخيرا اكد علي ان لعبتهم Everybody’s Gone to the Rapture هتنزل للـPC و التأكيد تم من خلال حسابهم علي Twitter بعد وصف عملية التجهيز للاعلان دا بأسوء حالة احتفاظ بسر ممكن تحصل.

مدير الستيديو Dan Pinchbeck قال انهم بدأوا في عملية تطوير اللعبة للـPC بعد نزولها للـPlaystation 4 في شهر سبتمبر اللي فات و شركة Sony هتتولي اصدار اللعبة علي الـPC و ادارة صفحة اللعبة علي Steam و في الوقت الحالي مفيش معاد نزول محدد للعبة.

غير كده في تفاصيل عن لعبتهم الجديدة اللي هتتبع اسلوب مختلف عن العابهم اللي فاتت و اللعبة اسمها هيكون Total Dark و هتكون لعبة مغامرات بعناصر RPG اشبه بالعاب الـtabletop او الالعاب الورقية عموما.