ستيديو Lionhead صرح بخبر مفاجئ ان لعبة Fable legends هتكون متواجدة بشكل مجاني علي الـXbox One و الـPC وقت نزولها.
حسب تصريح الاستيديو اللعبة فيها مزيج من افكار العاب زي Dota 2 و League of Legends و هيبقي فيها مجموعة شخصيات بشكل مجاني بشكل مؤقت و هيتم اضافتهم بمرور الوقت.
الشخصيات اللي هتنزل بشكل مجاني طبعا هتبقي مجانية لمدة معينة و لو فوتها من الممكن تشتريها بفلوسك او بعملة خاصة جوا اللعبة.
اللعبة شاملة برضو فكرة انك تلعب بالشخص المعادي لفريق الابطال نفسهم بس هيكون في شخصيات حكر علي اجزاء معينة من احداث القصة و في بعض الكائنات اللي هتكون خاضعة لنفس القيود بس من الممكن انك تشتريها بحيث انك توفر وجودها لاي جزء من القصة.
الاستيديو اكد ان مفيش اي محتوي في اللعبة هيجبر حد علي دفع الفلوس غير كده مفيش اي اضافات شخصيات اماكن برة اللعبة من خلال DLC’s مثلا.
