معرض QuakeCon 2015 اتعرض فيه ديمو خاص للعبة Fallout 4 و الديمو كان للجمهور فقط و ظهر فيه كم كبير من التفاصيل عن الجيمبلاي في اللعبة.
الفيديو عرض في الاول اللي بتقدمه اللعبة من شخصيات ممكن تكون زي مرافق ليك في اللعبة و في حوالي 12 شخصية اللعبة بتقدمهم اللعبة منهم الروبوت Mister Handy و شخص ظهر في فيديوهات نزلت في E3 اسمه Preston Garvey و اللي يعتبر قائد الـCommonwealth و هو اشبه بالـCowboy, و من ضمن الشخصيات المتاحة برضو كمرافقين هي Piper اللي بتساعدك علي دخول مدينة اسمها Diamond City.
الديمو عرض تفاصيل جديدت عن تطوير الشخصية بتاعتك من خلال النظام المعروف في السلسلة بأسم S.P.E.C.I.A.L.
من خلال الـPip Boy اتعرض زي فيديو كان بيتكلم عن واحدة من الـattributes اللي موجودة في اللعبة و هي الـStrength او قوة الشخصية و ازاي انها كل ما تعلي تقدر تشيل ادوات و اسلحة اكتر, لكن الاهم هي فكرة تطوير الشخصية بشكل جديد علي السلسلة من خلال انك في اللعبة بيكون ليك 7 attributes من خلال 7 اعمدة و كل Perk بتاخدها مع الـLevel Up بتضاف لعمود معين.
و من الـPerks المؤكد رجوعها من الاجزاء اللي فاتت هي Bloody Mess اللي تزود من مستوي الدموية لما تيجي تقتل اي حد. و جدير بالذكر ان من هنا لحد معاد نزول اللعبة هيكون في سلسلة فيديوهات بتشرح الـlevel Up system بتاع اللعبة و كمان الـattributes المختلفة.
الديمو عرض مهمة في مدينة Lexington شملت مواجهة مع مجموعة Ghouls و الوحوش دي بالتحديد اسلوب حركتهم اطور عن الاجزاء اللي فاتت و بقت اسرع و بتتفاعل مع البيئة بسهولة.
الجزئية دي من الديمو شملت مساعد الكلب المرافق ليك في قتل الـGhouls و كمان بيساعدك في تجميع الـLoot, و كان استخدام نفس اسلوب الـhacking من الجزء اللي فات و فتح الاقفال برضو.
الديمو شمل في النهاية معركة بين طرفين ظهر فيها مجموعة من Brotherhood of Steel ضد قطاع طرق و اللعبة خلت معركة زي دي وجودك كطرف فيها شئ اختياري.
لكن مع انضمامك ليها كان في امكانية انك تستخدم power armor و تقتل اعدائك باسلحة الليزر و المواجهه اتطورت و شملت تدخل لوحش الـbehemoth و استخدام اللاعب لسلاح الـFatboy ضده و هو عبارة عن سلاح بيضرب صاروخ نووي صغير جدا, و تأثير الانفجار نتج عنه مشهد رائع تقنيا.
في الوقت الحالي Bethesda معندهم اي خطة لاصدار الديمو في الوقت الحالي و هيكون حصري فقط لاي حد حضر مؤتمر QuakeCon 2015 و جدير بالذكر العروض دي دايما صعب تسريبها و دا اللي حصل مع ديمو لعبة DOOM السنة اللي فاتت لحد ما الديمو اتعرض في E3 2015.
Fallout 4 هتنزل يوم 10 نوفمبر علي PC و Playstation 4 و Xbox One.
