Bethesda اعلنت اخيرا عن الخطة الخاصة بالـSeason Pass للعبة Fallout 4 اللي هتشمل 3 اضافات هينزلو في خلال السنة الحالية.
الـSeason Pass سعره هيكون اغلي من المحدد مسبقا و سعره هيبقي 50 دولار بسبب اضافة محتوي اكبر للاضافات حسب تعليق Bethesda.
اول اضافة هيكون اسمها Automatron سعرها 10 دولارو هتنزل في مارس 2016.
الاضافة هتكون عن شخص غامص بيصمم مجموعة ضخمة من الاليين لاحتلال الـCommonwealth.
الاضافة هتتيح للناس امكانية تصميم الـRobots الخاصة بيهم و تعديلها بطرق متنوعة من قدرات و اسلحة و دروع.
تاني اضافة هي Wasteland Workshop و سعرها 5 دولار و هتنزل في ابريل 2016.
اهي اضافة صغيرة هتسمح بتصميم مصايد للحيوانات في عالم اللعبة حتي لو لوحوش زي الـDeathclaws و تربيتهم و الدخول بيهم في حلبات مصارعة بينهم و بين بعض و الاضافة فيها اختيارات جديدة للمستعمرات الخاصة بيك.
تالت اضافة هي الاكبر و اسمها Far Harbor و سعرها 25 دولار و هتنزل في مايو 2016 و هتكون مهمة ليها طبع التحقيق في جريمة بيطلب من وكالة التحقيقات الخاصة بـNick Valentine التحقيق فيها.
و بتخلي اللاعب يستكشف مستعمرة خاصة بالـSynths و ييستكشف جزيرة غامضة اسمها Far Harbor و هيكون من خلال الاضافة صراع بين جماعة Children of Atom و الاليين
الاضافة من خلالها في في مهمات و مناطق لمستعمرات و وحوش و كهوف جديدة من الممكن يتم استكشافها و في اسلحة و دروع بمستويات عالية جديدة.
