أخبار و مراجعات ألعاب الفيديو

Fallout 4 هتستفاد من إزاي تم تصليح مشاكل Skyrim

SHARE
, / 260

فريق تطوير Fallout 4 شغال بكل قوته عشان يضمن إن مايبقاش في مشاكل كارثية في اللعبة عند نزولها.

في العديد من اللعب, المشاكل البسيطة زي Bugs مش مؤثرة على نمط اللعب بيتم تصليحها بعد اطلاق اللعبة بفترة قصيرة. ولكن في بعض الأحيان مشاكل كارثية ممكن تبوظ اللعبة ونمط اللعب ذات نفسه زي مشاكل اللي حصلت في AC: Unity و Batman Arkham Knight عالـPC , وده بيحصل خاصة في اللعب الضخمة.

Bethesda مع Fallout 4 بتتمنى إنها تنهي على كل المشاكل اللي ممكن تأثر على تمتع اللاعب باللعبة, زي المشاكل اللي كانت موجودة عند اطلاق Skyrim.

Todd Howard خلال حديثه مع Game Informer قال إن الفريق شغال على عملية جديدة للتحقق من مشاكل زي ديه, العملية ديه الفريق كان اتعلمها في Skyrim.

هيبقى دايما في مشاكل ولو اللعبة فيها مشكلة زي إن اللعبة تـCrash ديه مشكلة سيئة جدا , ولكن مش قريبة خالص من إنك مثلا تخسر Save File بتاعك. واحنا هنعمل كل حاجة عشان نتجنب مشاكل زي ديه.

Fallout 4 هتنزل على PC, PlayStation 4 و Xbox One في نوفمبر.