Hajime Tabata, مخرج Final Fantasy 15, قال إن نسخة الـPC مش هتبقى عبارة عن Port بسيط من نسخة الـConsoles.
في مقابلة مع الموقع الفرنسي JeuxVideo, تم سؤال Tabata عن احتمالية وجود نسخة للـPC, و امتى ممكن تنزل, و هل هو بيبحث في الموضوع ده حاليا.
أنا متفائل جدا عن فكرة تطوير نسخة للـPC, ولكن أنا عايز أعمل مشروع مختلف لو أمكن الأمر. السبب اللي أنا مهتم بالموضوع ده هو إن نسخة الـPC هتاخد اللعبة لمستوى تقني تاني. أنا عندي نسخة في دماغي متطورة تقنيا عن نسخة Consoles.
النسخة ممكن تضيف حاجات احنا كنا للأسف مضطرين إن احنا نتركها بسبب حدود قوة الـConsoles. على الـPC, ده معناه إن احنا هنقدر ننزل نسخة أفضل و أقوى من ناحية الجودة و التقنية المستخدمة. لو اخترنا إن احنا نطور المشروع ده, هيبقى من الزيرو, وهنعمل بحث عن إيه أفضل تكنولوجيا ممكن نستخدمها. ممكن ميبقاش Port بسيط من نسخة Consoles.
في مقابكة Tabata أكد إن Square Enix غير قادرة على الشغل على نسخة PC في نفس تطوير اللعبة على Consoles على عكس الشائعات انهم بيخططوا لحاجة زي كده.
Final Fantasy 15 هتنزل على PS4 و Xbox One في 30 سبتمبر.
