شفنا Gameplay لي Fallout 4 اللعبة اللي Broke The Internet و كان أكثر من جميل اللعبة قطعة فنية بكل معنى الكلمة من أول Visuals لحد بتشكل شخصيتك إزاي وهو طريقة عبقرية مفيهاش إي Sliders أو menus لأن أنت حرفيا بتنحت الشكل اللي إنت عايزه اللعبة كمان بتقدم تجربه في قمة السلاسة مابين Third Person و First Person غير كده إنك متحكم تماما في الحورات اللي بتشترك فيها وممكن بكل بساطة مثلا تمشي وتسيب واحد لو كلامه مش عاجبك غير كده في Pep Boy جديد كلمة مذهل قليلة عليه بيشغل شرايط أغاني و شرايط Games فاكر اللي كنت بطلعها وتهوف فيها لما كانت بتعلق ممكن تلعب دول جوه Fallout 4 على الـPep Boy الجديد , من أحلى لحظات الفيديو هو لما بتشوف عودة system VATS و شكله دلوقتي بقى عامل إزاي خصوصا إنه بيسمحلك تضرب نار بدقة أعلى و بسرعة وسلاسة أكتر.
الكلام ده كله حمادة و الكلام الجايي ده حمادة تاني خالص اللعبة حرفيا وبكل ما تحمل الكلمة من معنى بتسمحلك تبني إي حاجة….. عايز تبني جرندازير ممكن تبني جريندايزر . لو مش مصدقني تعالى اقولك على اللي ممكن تبني من أول بيتك والفرش اللي هتحطه في البيت ده لحد الفخاخ والأسلحة اللي هتحمي البيت ده ولو عايز تخلي شكل البيت عامل زي حلبة المصارعة بي إن إنك تحط نار ومدافع و Tesla Coils تخلي Thor شكله عيل صغير ممكن طب ده بالنسبة لي بيتك. تقدر تنفذ نفس الكلام ده مع سلاحك من ناحية إنك ممكن تاخد مسدس عدي جدا زي إي صلاح بتبدأ بيه وتقعد تعدل عليه لحد مايتحول لسلاح دمار شامل …… لحد دلوقتي احنا موصلناش لي أحلى حتة وهي جريندايزر ممكن تبني POWER ARMORبالطريقة اللي إنت عايزها , نفسك يبقى فيه Jetpack وبيطير وليه لأ وماله عايز يبقى فيه flamethrowers انطلق , لو مالكش نفس تلبس PowerArmor و عايز تمشي بفستان في الشارع اتفضل. من الأخر Fallout 4 ناوية تخليك تودع الواقع
ولو سمعت واحد بس بيتكلم عن Graphics و Frame rate فانا هجيب الـIP address بتاعه وهاقتحم بيته وهحرق الجهاز اللي هو بيلعب عليه.
بالمناسبة ده مش نهاية التحفة اللي هي Fallout 4 لو إنت بتحب اللعبة جدا ممكن تشتري الـCollectors Edition و يبقى عندك PepBoy حقيقي وبيشتغل مع موبيلك ولو إنت مش ناوي تسرق بنك ممكن تنزل الـApplication علي موبيلك عادي
ممكن تستثمر فلوسك صح بأن انت تشتري اللعبة دي السنة دي لأنها هتنزل 11 نوفمبر 2015
